16.03.2018

Pedaqoji əməkdaşlıq 

         Azərbaycan  Respublikası  Təhsil  Nazirliyinin  05 yanvar  2018-ci  il  tarixli  21  nömrəli  əmri ilə  təsdiq  edilmiş “Pedaqoji   əməkdaşlıq  əlaqələrinin   yaradılması  barədə” müvafiq  əmrinin  ayrı-ayrı  bölmələrində  nəzərdə  tutulmuş  tədbirləri  davam  etdirmək   məqsədilə  Cəlilabad  RTŞ  və  Lənkəran  ŞTŞ   üzrə  seçilmiş məktəblər  arasında tədbirlər  davam  etdirilib.

         Belə  ki, əməkdaşlıq əlaqələri  çərçivəsində  16 mart  2018-ci  il  tarixində  Cəlilabad  şəhər  1 nömrəli  məktəb-lisey  və  Cəlilabad   şəhər  2 nömrəli  tam  orta məktəbin  bir qrup  müəllim  və  şagird heyəti   Lənkəran şəhər  4 və 6  nömrəli  məktəb  liseylərində, Lənkəran  ŞTŞ  üzrə  Liman  şəhər  1 nömrəli  və  Şürük  kənd  tam  orta  məktəblərinin  yuxarıda  göstərilən  kateqoriyalar  üzrə   işçi heyətləri  isə  Cəlilabad  rayonunun  Göytəpə  şəhər 1 nömrəli və Uzuntəpə kənd 1  nömrəli  tam orta  məktəblərində  olublar.

          İkitərəfli  əməkdaşlığa  həsr  olunan   görüşlərdə Azərbaycan  Respublikası Təhsil  Nazirliyinin  müvafiq  əmrinin  tələbləri   baxımından  məktəblər arasında  təcrübə  mübadiləsi  aparılıb, qabaqcıl  pedaqoji  nümunələr  öyrənilib, ustad  müəllimlərin  nümunəvi  dərsləri və təhsilin  aktual  məsələlərinin   müzakirəsi   üzrə  “Dəyirmi  masa”lar  təşkil  edilib,   şagirdlər  arasında həmrəylik, dostluq, bilik  və idman  yarışları  keçirilib.

         Görüşlərdə  hər  iki  tərəfdən  təhsil  şöbələrinin  nümayəndələri, məktəb rəhbərləri, fənn  müəllimləri, məktəblilər  və  digər  köməkçi  heyətlər   iştirak  ediblər.


Açar sözlər: ,  ,